Sitiyasyon kap pase nan eleksyon an Haiti

28112010

CEP ak gouvènman ap fè tout sa yo konnen pou gate eleksyon an nan peyi a tout kote se pwoblèm moun yo pa kapab jwenn non yo pou vote lè yo rive nan sant vòt la yo wè non yo deyò a nan lis CEP a mete pou indike w nan ki biwo pou w vote lè ou rive nan biwo a yo di w ke yo pa wè non ou, sa fèt nan tout kote ke pati gouvènman an pa populè.Kounye a gen anpil kote ke eleksyon an gate bwat biltin ak biltin vòt atè nan ecole national de tabarre eleksyon an gate avek anpil lòt kote menm jan.




Fòk nou pa vote ak pasyon

27112010

Pou jan peyi sa a ye la nou pa sipoze al vote ak pasyon fok nou pran san nou pou nou vote yon moun ki konnen nan domèn nan ki konn fè politik, ki konn fè diplomasi, ki serye ki kwè nan chanjman ki kapab al reprezante nou valableman devan lòt peyi yo, yon moun ke yo ap pran o serye ki pat yon vagabon ki te gen yon liy lè li tap viv, ki pa konn ap danse toutouni sou tèt cha epi bagay la tèlman fasil li leve yon jou epi li vle prezidan men mezanmi bagay la ta trò fasil nou trò lèd si nou ta fè kout foli sa a, men nou dwe aprann fè bèl bagay paske chwazi yon moun konsa se fè yon pi gwo erè, intènasyonal la pap pran nou pou anyen pi mal, dayè yo pap pran l o serye, li pap ka negosye, li pa konnen anyen nan diplomasi, pou kesyon moralite a sa pa genyen l ditou, alòs m ta swete nou pran tèt nou pou al vote chanjman rete tèt frèt pa kite yo pran nou nan kou paske sa a se yon lòt kou yo vle pran nou. Yo vle ban nou yon dezyèm tou Martely ak ti Jid ouvè je nou pou nou defann vòt nou pou nou kanpe di kou sa a pap pase.




Li enpòtan pou nou al vote

25112010

Ou menm ki di ou se entèlektyèl ou pa merite pou rele w konsa si ou pa al vote paske egzanp la se ou ki pou bay li, si ou pa al vote ou fè gwo fot, se pou al vote paske se ou ki ta sipoze pi gen anvi vote pou fè vwa w pase misyon w se sa, lè ou pa fèl se nòmal pou peyi jan l ye a paske ou echwe nan misyon w, paske lè yon gouvènman pran pouvwa li fè 5 an ap pase w nan betiz li vle di pa gen moun nan peyi a, alòs se pou nou sòti an mas al vote pou nou bay moun sa yo repons ki pa janm vle nou al vote, yo konprann nou se yon fòs sa ke nou pa konprann, se pou nou al vote.
Mèsi randevou dimanch 28 Novanm.




Fòk nou al vote an mas 28 novanm

24112010

Bonjou konpatriyòt

Mwen vin fè nou konnen ke 10/10 vle di 10 plè peyi Ejip te pran sou 10, aliyen 10 pwen vle di aliyen 10 plè. Prezidan Preval te vini ak 10 premye plè yo kòmanse ak 4 siklòn ki te ravaje Gonayiv ak lòt kote, lafin ki te fè nou pran lari manifeste pandan plizyè jou, 12 Janvye fè 6, tònad, siklòn, kolera ak gè sivil li bezwen lage nan peyi a .Kounye a li ap prepare ti Jid pou ban nou lòt 10 plè a pou fè 10/10. Pa bliye Preval te nan premye manda li ya lè bato fyète Gonayivyèn te koule li te di nou ka tande avyon tonbe epi avyon te tonbe, li te di nou ka tande dlo Camep anpwazonnen epi dlo Latibonit anpwazonnen ak kolera, alòs nou a chwazi, antouka li pa bay manti nan sans sa a, wa chwazi yon kontinyite ak 10 plè pou fè 10/10, se pa san rezon yo chwazi nimero 10 la ou pa konn sa ougan te di l.







pour moi, toi et vous |
Le Pays |
Les incendies en France |
Unblog.fr | Créer un blog | Annuaire | Signaler un abus | ActuAstro
| aidoCopro
| INDIGNEZ VOUS!